Beynəlxalq Elmi Araşdırmalar Jurnalı

Call for paper

INTERNATIONAL JOURNAL OF ACADEMIC RESEARCH (IJAR)
Beynəlxalq Elmi Araşdırmalar Jurnalı
ISSN 2075-4124
Növbəti buraxılış: Cild 2. Buraxılış: 6. 30 Noyabr, 2010

     Elmin müxtəlif sahələri üzrə tədqiqatların nəticələrini özündə əks etdirən "International Journal of Academic Research" (Beynəlxalq Elmi Araşdırmalar Jurnalı) ayaşırı dərc olunan beynəlxalq elmi jurnaldır.

     Məqsəd və vəzifələr

     Beynəlxalq Elmi Araşdırmalar Jurnalında elmin kompleks problemləri, humanitar və ictimai siyasi, tətbiqi, təbiyyat elmləri üzrə indiyədək dərc olunmayan, orijinallığı, yeniliyi və aktuallığı, ciddi elmi arqumentasiyası, qabaqcıl nəzəri və praktiki əhəmiyyəti ilə diqqəti cəlb edən elmi-texniki məqalələr dərc edilir. Jurnal eyni zamanda konfranslar, simpoziumlar, elmi məktəblər, ümumiyyətlə, elmi həyatda cərəyan edən hadisələr haqqında məlumatlara da səhifələrində yer verir. Azərbaycan elminin beynəlxalq ictimaiyyətə çatdırılması, yerli alimlərlə müxtəlif ölkələrin alimləri arasında elmi kommunikasiyaların yaradılması nəşrin qarşıya qoyduğu başlıca vəzifələrdəndir. IJAR Thomson Reuters, EBSCO, Scirus (Elsevier), IndexCopernicus, Genamics və s. kimi nüfuzlu elmi bazalar tərəfindən indeksləşdirilir və beynəlxalq elmi ictimaiyyətə təqdim olunur.

Məqalələr Beynəlxalq ekspertlər qrupunun (Redaksiya heyəti) müvafiq 2 üzvü tərəfindən yoxlanıldıqdan və müsbət rəy aldıqdan sonra dərc üçün təsdiqlənə bilər. Redaktorlardan birinin rəyi mənfi olduqda, məqalə 3-cü redaktora göndərilir. Obyektivliyi təmin etmək məqsədilə redaktorlar və müəlliflər bir-biriləri üçün sonadək anonim olaraq qalırlar. Akademik və professorlarla yanaşı elmin müxtəlif sahələrində tədqiqat aparan gənc aspirant və tədqiqatçılar da jurnalın müəllifi ola bilərlər. Məqalələr MS Word proqramı vasitəsilə hazırlanmalı, surəti çıxarılmalı və redaksiyaya təqdim olunmalıdır. Digər şəhərlərdə (ölkələrdə) yaşayan müəlliflərin məqalələri elektron poçt vasitəsilə də qəbul olunur. Bunun üçün müəlliflər məqalələrini Müəlliflər üçün müəyyənləşdirilmiş beynəlxalq qaydalara uyğun tərtib edərək edit@ijar.lit.az və ya subijar@gmail.com ünvanına göndərməlidirlər.
Redaksiya heyəti, bu və ya digər səbəblərdən, jurnalın tələblərini təmin etməyən, professional ingilis dilində yazılmayan (və ya tərcümə edilməyən) məqalələri dərc etməmək hüququnu özündə saxlayır.